Drengur Halldórsson

Jæja, loksins kom að því! Frumburðurinn, yndislegur drengur, leit dagsins ljós 28. maí kl. 12:08. Búið var að boða mig í gangsetningu kl. 22 um kvöldið en snáðinn ákvað að ráða því sjálfur hvenær hann kæmi í heiminn og setti allt af stað nóttina áður. Ég vaknaði með verki um kl. 3 og um 9 tímum síðar var hann kominn í heiminn. Já, eftir að hafa látið bíða svolítið eftir sér dreif hann sig bara í partýið. Fæðingin gekk vel og við vorum með tvær yndislegar konur með okkur, Grétu ljósmóður og Hrafnhildi ljósmóðurnema. Drengurinn hafði greinilega haft það gott í litlu bumbunni því hann var 16 og hálf mörk og 53 sentimetrar. Þegar hann var kominn í heiminn kom í ljós að hann hafði verið duglegur að hreyfa sig á meðan enn var pláss og sett hnút á naflastrenginn. Já, það er bersýnilega margt hægt að bralla í lítilli bumbu
Það mætti halda að Halldór hefði ekki gert annað en að sinna ungabörnum, svo laghentur er hann með strákinn sinn. Þeir eru alveg yndislegir saman feðgarnir.
En jæja, þá að því sem allir hafa beðið eftir; myndir af stráknum.

Er maður ekki bara sætur svona krumpaður beint úr móðurkviði

 

Pabbi að athuga hvort það sé ekki allt í lagi með mann.

Við mamma að spjalla saman.

Á leiðnni heim af spítalanum, þreytt og ánægð með lífið.

Reyfabarn - Björg, þetta teppi er æði - takk aftur

Meira síðar gott fólk...

 

Athugasemdir

[Svava S. Steinars, 30.5.2008 kl. 16:26]

Gvvöööð hvað maður er sætur !!!!! Bíð spennt eftir að hitta unga manninn

[Erik,Andrea,Helena og Ísak Elí (IP-tala skráð) 30.5.2008 kl. 20:21]

TIL HAMINGJU með fallega drenginn ykkar

Hittumst fljótt aftur :D

Kossar og Knús

[Bjögga frænka og Ísak frændi í Californíu (IP-tala skráð) 31.5.2008 kl. 03:12]

Var að frétta af vefsíðunni í gegnum Svavus... já það er ekki hægt að fela sig endalaust!! En innilega til hamingju með boltann, aldeilis hvað hann er mikið krútt!  Svei mér ef hann er ekki bara dáldið líkur pabba sínum ;) 

Ég held þú sért yfirburðar sigurvegarinn í rembikeppninni, ég datt út eftir 2ja daga rembing og kreist :D   Magnað hvernig svona lítil og nett kona geti verið með svona stóran dreng inni í sér! Hlakka til að sjá fleiri myndir af sætilíus!

Knús í klessu!

[Lauga (IP-tala skráð) 31.5.2008 kl. 09:01]

Æðislegt að sjá myndir af ykkur fjölskyldunni!  Setja fleiri myndir :)

 Til hamingju enn og aftur með glæsilega prinsinn ykkar... vildi að ég gæti knúsað ykkur öllsömul.

Knús knús

Lauga 

[Páll Jakob Líndal, 31.5.2008 kl. 09:13]

Jæja, mér finnst það mjög vel viðeigandi að ég sendi aðeins fleiri hamingjuóskir ...

Til hamingju "Halldór Bjarni" og vertu velkominn.  Foreldrunum, þeim Halldóri eldri  og spúsu hans Helgu óska ég til hamingju enn og aftur ... !!! 

... og ég er meira að segja með ljóð í handraðanum.

"Halldór Bjarni" höfðingi er
í heiminn er kominn, það ég veit
Halldór og Helga taka því sem að höndum ber
annars verður að kalla út víkingasveit!

Þetta er kannski ekkert sérstakt ljóð ... en ég vildi bara vera sá fyrsti til að yrkja ljóð um hann "Halldór Bjarna" vin minn. 

Bestu kveðjur,
B.

[María og Konstantín (IP-tala skráð) 31.5.2008 kl. 21:13]

Váááá hvað þið eruð yndislega falleg fjölskylda!! Velkominn í heiminn ungi maður og hamingjuóskir til ykkar allra! Já, ég held að það þurfi ekkert DNA próf til að sannreyna hver föðurinn er í þessu tilviki, hí, hí... :)

Hlökkum til að hitta ykkur,

María og Konstantín

[Helga Guðrún og Halldór Pálmar, 1.6.2008 kl. 00:00]

Takk allir fyrir góðar kveðjur, hamingjuóskir og ljóð! :)
Fleiri myndir koma síðar, og þá aðallega af okkur foreldrunum... neee, bara grín