Verslunarmannahelgin

Við áttum alveg yndislega helgi í faðmi fölskyldunnar nú um verslunarmannahelgina. Við fórum austur á föstudaginn í bústaðinn til mömmu og pabba þar sem þau voru ásamt Helenu. Á laugardaginn komu svo Erik, Andrea og Ísak Elí og gistu líka eina nótt. Það fór afskaplega vel um okkur í sveitinni og maður kemur vel hvíldur úr svona vist, sérstaklega í ljósi þess að Bjarni Jóhann svaf báðar næturnar í rúmar 6 klst samfellt! Þetta er að verða svo stór strákur .
Á laugardaginn komu María og Jón Haukur, foreldrar Andreu, í heimsókn og drukku með okkur kaffi. Um kvöldið var svo varðeldur, samsöngur og harmonikkuleikur á sameiginlega svæðinu. Við kíktum þangað en ég staldraði ekki lengi við þar heldur skildi partýdýrin eftir, þ.e. Halldór, mömmu og pabba, og fór með strákinn heim í bústað í sófapartýið með Erik og fjölskyldu . Já, við systkinin erum víst þekkt fyrir margt annað en að vera partýfólk... en komið með gott spil og sælgætisskál og þá er ég til í tuskið!

Fjölskyldan góða - vantar bara Halldór sem vitaskuld tók myndina.

Góðir félagar leiðast.

Úti að leika með mömmu.

Að róla með Andreu og Ísak Elí.

Svo er voða gott að slappa af og lesa góða bók...

 

Athugasemdir

[Björg (IP-tala skráð) 5.8.2008 kl. 20:32]

Oh duglegur strákur! Bara farinn að lesa!! Og ég sem var svo spennt útaf því að Aron rúllaði sér af maga yfir á bak.... ;)

[Helga Guðrún og Halldór Pálmar, 5.8.2008 kl. 22:32]

Já, voða duglegur lestrarhestur :) Ég sé nú ekki alveg fyrir mér að hann eigi eftir að rúlla sér á bakið eftir hálfan mánuð... en hann er alltaf að koma manni á óvart með einhverju svo hver veit...

[Lauga (IP-tala skráð) 7.8.2008 kl. 14:05]

Æðislegt að geta fylgst með ykkur fjölskyldunni og sjá myndir af ykkur öllum saman.  Strákarnir eru rosalega flottir... þeir eiga eftir að verða miklir félagar í framtíðinni.

Gaman að sjá hvað Bjarni einbeittur við lesturinn, hann mun greinilega læra allt saman á methraða ... en heppinn er hann að þurfa ekki að halda á þessari RISA bók

Knús og kossar frá

Ástralíu