Duglegi strákurinn okkar

Bjarni Jóhann vex og dafnar og tekur þroskaskref í hverri viku. Hér eru nokkrar myndir af stráknum að sýna listir sínar.

Bjarni Jóhann er afskaplega duglegur að halda haus af tveggja mánaða snáða að vera. Ef maður togar í hendurnar á honum þegar hann liggur út af sest hann upp og stendur svo upp eins og fínn maður. Þessi mynd er frá því þegar hann gerði þetta í fyrsta skiptið fyrir rúmum 2 vikum að mig minnir. Hann var ekkert smá ánægður með sjálfan sig þegar hann gerði þetta - foreldrarnir voru ekki síður stoltir

Að steypa silfurhnappa er nokkuð sem Bjarni Jóhann er afskaplega duglegur við. Þetta dundar hann sér við að gera í tíma og ótíma, foreldrum sínum til mikillar ánægju. Smekkjaforðinn dugir tæplega á milli þvotta til að taka við framleiðslunni . Þess má geta að móðir hans var ákaflega mikill silfurhnappasmiður á sínum tíma en hefur nú misst niður þennan geðþekka hæfileika.

Á kvöldin er lesið fyrir snáðann áður en hann fer að sofa. Eins og sjá má á myndinni er mikið spáð og spegúlerað í myndirnar og hlustað af athygli á söguna. Í þessari bók finnst honum alveg sérlega skemmtilegt að skoða myndirnar af því þegar Snúður dýfir sér í málningafötuna og breytist í bláan kettling. Forsíðan er líka sérlega skemmtileg svona fallega gul.

Bjarni Jóhann er afskaplega brosmildur þegar þannig liggur á honum. Hann brosir alveg sérstaklega mikið þegar hann er nývaknaður og úthvíldur og sér mömmu sína, þessa elsku, vera að koma og sækja sig í bleyjuskipti og matartíma. Þá er líka mikið hjalað og stutt í hláturinn (sem ekki er orðinn alvöruhlátur ennþá). Á þessum stundum er hann afskaplega líkur pabba sínum, sem er brosmildasti maður sem ég þekki.
Hann líkist móður sinni hins vegar meira þegar hann er eitthvað þreyttur því þá ræður yglibrúnin ríkjum eins og sést á myndinni hér að neðan. Þá sekkur hann í djúpa þanka og spáir mikið í málin og þá getur það kostað töluverða fyrirhöfn að ná fram brosi hjá honum... sem þó tekst yfirleitt á endanum.

Læt þetta nægja í bili elskurnar. Takk fyrir allar kveðjur, það er alltaf mjög gaman að fá smá línu frá ykkur í skilaboðaskjóðuna undir færslunum.

Athugasemdir

[Hanna F. Stefánsdóttir (IP-tala skráð) 10.8.2008 kl. 12:24]

Drengurinn verður kominn með háskólagráðu fyrir fermingu Þetta er mikill myndarstrákur og gaman að fá að fylgjast með honum. Bestu kveðjur til ykkar allra. Nú er ég farin til Köben með Reyni og Jóhönnu og þar ætlum við að gera allt vitlaust að Kambhólskum sið

[Bjögga frænka og Ísak og Aron frændur í Californíu (IP-tala skráð) 10.8.2008 kl. 17:45]

Rosa duglegur! Oh, hlakka til að kreista litla mús!!! Við verðum svo að láta þá keppa í skriði (eða hvað sem það verður sem þeir gera í janúarlok á næsta ári) þegar við kíkjum á klakann. :D Aron er svo feitur að hann heldur sér ekki í standandi stöðu nema með stuðningi undir handakrikunum... hann bara lekur niður undan eigin þunga ;)

[Svava S. Steinars, 11.8.2008 kl. 00:53]

Já þetta er flottur drengur  Hlakka mikið til þegar þið Björg verið með skriðkeppnina, ég ætla að vera við marklínuna og grípa drengina! 

[Lauga (IP-tala skráð) 15.8.2008 kl. 02:59]

Yndislegar myndir af stráknum ykkar...hann er algjör perla. Hlakka til að knúsa hann í desember!!!