Fyrsta jeppaferðin

Við fórum með stubbinn okkar í fyrstu jeppaferðina á sunnudaginn síðasta. Reyndar fórum við bara Djúpavatnsleið, sem er fólksbílafær um þessar mundir, og komum til baka fram hjá Kleifarvatni. En við fórum á jeppanum svo við köllum þetta bara jeppaferð . Bjarni Jóhann var afskaplega stilltur alla ferðina, svaf meira og minna og vildi bara fá að drekka einu sinni. Þegar hann var búinn að drekka fórum við í smá lautarferð í mosalaut þar sem pabbi hans mokaði í sig krækiberjum á meðan við snáðinn höfðum það huggó á teppinu.

Hér eru nokkrar myndir sem teknar voru í ferðinni. Þær eru teknar á nýju myndavélina hans Halldórs sem hann keypti fyrir gjafaféð frá því hann varði doktorinn í vor.

Svona sat hann alla leiðina og fylgdist með ferðinni... neeei, bara smá grín.

Bjarna Jóhann langaði að fá að grípa aðeins í stýrið, sem var náttúrulega bara alveg sjálfsagt.

Hehehe?

 

Athugasemdir

[Stefán Hermannsson (IP-tala skráð) 17.8.2008 kl. 21:47]

Helga mín og Halldór! Ykkur hefur tekist, eins og ykkar var von og vísa, að búa

til afskaplega fallegt og gáfulegt barn. Ég sendi mínar bestu kveðjur ykkur

til handa.       Stef. Hermanns.

[Lauga (IP-tala skráð) 18.8.2008 kl. 09:13]

Rosalega flottur jeppagaur!!!

 Ástralíu knús

[Björg og strákarnir í CA (IP-tala skráð) 18.8.2008 kl. 22:14]

Frábærar myndir!  Ekki seinna vænna að venja drenginn við jeppaferðir... þessar myndir minna mig á Eldjárn-ljóð, eitt af uppáhöldum Ísaks:

Það er svo gott að liggja í mjúkum mosa

mæna upp í himininn og brosa

hugsa bara þetta: Rosa rosa

Rosalega er gott að liggja í mosa. 

[Helga Guðrún og Halldór Pálmar, 20.8.2008 kl. 13:01]

Frábært ljóð Björg! Og mjög viðeigandi . Eldjárnið er bara snillingur í ljóðum fyrir börn.

Takk fyrir það Stebbi, það er greinilegt að eitthvað af norðangenunum hafa skilað sér í barnið .

[Svava S. Steinars, 20.8.2008 kl. 14:07]

Hehe þetta er vígalegur ungur maður, tilbúinn til að setjast undir stýri í jeppanum   Væri til í að fara í jeppaferð með þessum gæja

[Maja (IP-tala skráð) 22.8.2008 kl. 14:48]

Oh til hamingju með þennan fallega strák, hann er algjört yndi :) Og þú lítur ekkert smá vel út skvísa - greinilega fædd í mömmuhlutverkið :)