Nýjustu tölur og nafnakaffi.

Ég fór með Bjarna Jóhann í fjögurra mánaða skoðun í dag og hér eru nýjustu tölur: þyngd 7560g, lengd 67cm. Strákurinn þrífst sem sagt vel hjá okkur

Á laugardaginn síðasta héldum við veislu honum til heiðurs, nafnakaffi. Við ætlum ekki að láta skíra hann en vildum samt halda upp á nafngjöfina og stefndum því okkar nánasta fólki heim til mömmu og pabba í Kleifarselinu. Þessar elskur lánuðu okkur nefninlega húsið sitt fyrir herlegheitin enda erfitt að bjóða um 30 manns hingað í litlu íbúðina okkar  Skemmst er frá að segja að veislan heppnaðist ákaflega vel enda er þetta allt svo vel upp alið og prútt fólk. Bjarni Jóhann fékk margar góðar gjafir og fullt af knúsi frá fólkinu sínu. Hér eru nokkrar myndir úr veislunni.

Namminamminamminamm.... súkkulaðikaka í dulargervi...

Stoltir foreldrar með ungann sinn.

Ísak Elí aaaagóður við afa Bjarna.

Bjarni Jóhann og Niuvis vinkona.

Jóhann og Karen spjalla við piltinn. Greinilega gaman hjá þeim.

Andri, Kristófer og Fannar á góðri stundu.

Snáðinn hjá Stefáni Karli stóra frænda....

.... og hjá Arndísi Snjólaugu stóru frænku.

Athugasemdir

[Lauga (IP-tala skráð) 25.9.2008 kl. 14:23]

Hlátursmyndbandið er algjör snilld!!! Frábært að þið gátuð tekið það upp og sýnt okkur. 

Knús knús

Lauga

[Svava S. Steinars, 26.9.2008 kl. 01:07]

Til lukku aftur með nafnið, fínt að fagna því með stæl   Drengsi dafnar vel og verður bara flottari með hverjum deginum sem líður.  Ástkær dóttir mín var á sama aldri 9,7 kg... gaaaaaaaa!  Þarf að fara að komast í að knúsa þennan karl aftur !

[Björg, Ísak og Aron í CA (IP-tala skráð) 26.9.2008 kl. 03:50]

Til hammó með nafnið, bollustrákur! :)  Ótrúlega sætur alltaf hreint.  Og hlátursvideóið var æðislegt.  Loksins fékk Helga einhvern til að hlæja að sér! 

[Hanna F. Stefánsdóttir (IP-tala skráð) 26.9.2008 kl. 22:50]

Frétti að það hefði verið "annar í nafnakaffi" á sunnudeginum með dáyndis ættingjum að norðan Vonandi hafa þau verið jafn prúð og  jafnvel alin upp og ættingjarnir í sunnudagsveislunni Á reyndar erfitt með að sjá fyrir mér að alla vega sumir hafi verið prúðir - en það er auðvitað mitt vandamál. Þá er ég að tala um veisluna á sunnudaginn Hilsen til allra

[Hanna F. Stefánsdóttir (IP-tala skráð) 27.9.2008 kl. 19:23]

Smá breyting. Ég var auðvitað að meina fyrri veisluna - aðalveisluna. Veit vel að norðanmenn voru stilltir og prúðir. Enda hvernig er annað hægt í logninu sem ríkir alltaf á Akureyri Hilsen, pilsen

[halldór (IP-tala skráð) 29.9.2008 kl. 01:22]

Það var óvænt ánægja að hitta á dáyndis norðanfólkið á sunnudeginum og ennþá óvæntara og ánægjulegra að það hagaði sér skikkanlega Sunnanfólkið var einnig til fyrirmyndar í hvívetna á laugardeginum, allir sérlega prúðir og stilltir. Ætli þetta sé ekki bara galdurinn, þe. að hafa norðrið og suðrið aðskilið á slíkum mannamótum?