Í berjamó

Við fórum í berjamó um daginn með Jóhanni og Karen og þeirra börnum. Bjarni Jóhann var hinn rólegasti og fékk sér m.a. blund í berjalynginu. Jóhannsbörn voru í essinu sínu og nutu þess að skríða um móana í berjaleit. Afraksturinn hjá okkur Halldóri var nú ekkert til að hrópa húrra yfir en við náðum þó bláberjum í nokkra skyrskammta og svo tíndi Halldór fullan dall af krækiberjum handa sér.

Namminamminamm...

Berin fríð...

Bjarni Jóhann hjálpar mömmu sinni að tína ber.

Rakel Jóhanna auglýsir kítlustrá og fleira til sölu  - enda hægt að gera góðan "bissnes" með ber sem gjaldmiðil.

Stefán Karl gefur Skottu ber. Hún var hins vegar þá þegar búin að éta nægju sína beint af lynginu og hafði því takmarkaðan áhuga á þessari góðvild kappans.

Tara Rós með vinkonu sinni.

Athugasemdir

[Svava S. Steinars, 3.10.2008 kl. 14:02]

Það er alltaf jafngaman að fara í berjamó.  Að geta bara sest niður og mokað upp í sig   Á næsta ári fær Bjarni Jóhann að smakka líka

[Björg, Ísak og Aron í CA (IP-tala skráð) 4.10.2008 kl. 06:07]

OH hvað þetta lítur út fyrir að hafa verið notó hjá ykkur! Rosalega fallegt þarna, hvar er ykkar beitiland??

Maður fær bara heimþrá, þrátt fyrir kreppuna... ;)  

Enn og aftur kemur upp Eldjárns-ljóð í hugann sem er eitt af uppáhöldum Ísaks... 

'....krækiberin köld og römm

kóki og frönskum gera skömm.

Og aðalborin aðalber

ættu að heita fjallasmjer'.  

Eitthvað á þessa leið. :)

[Harpa Þöll súperfrænka (IP-tala skráð) 4.10.2008 kl. 11:16]

En gaman að rekast á ykkur hér! Sætasta fjölskyldan :)

Einstaklega andlitsfrítt fólk verður að segjast :)

Vonandi hafiði það sem allra allra best!

knúsímús :*