Heimsókn í Sandgerði

Við snáðinn fórum og heimsóttum ömmurnar níu í Sandgerði um daginn. Að sjálfsögðu var okkur vel tekið þar og drengnum mikið hampað. Því miður voru þær ekki allar níu á staðnum en við hittum þær sem ekki voru bara síðar og biðjum að heilsa þeim þangað til.  Það er nú ekki ónýtt fyrir piltinn að eiga svona margar auka-ömmur og ekki allir svo ríkir...

Amma Solla heilsar upp á Bjarna Jóhann

Amma Guðbjörg segir líka hæ

Amma Sigurjóna knúsar krúttibolluna

Amma Sigrún segir honum eitthvað mjög merkilegt, afi Reynir fylgist með.

Amma Lagrimas er sko með flott hár!

Amma Ebbí kunni nokkra góða brandara

Amma Ester hampar drengnum

Svo var farið og kíkt á hvað pabbi er að bardúsa í vinnunni. Bjarni Jóhann kíkti á nokkur smásjárgler og leiðrétti nokkrar mælingar hjá pabba sínum og sparaði honum þar með margra vikna vinnu.

Eftir skemmtilega heimsókn keyrðum við svo aftur í bæinn, mamma við stýrið og litli prófessorinn sofandi í ferða-rannsóknarstofunni sinni í aftursætinu.

Athugasemdir

[Hanna F. Stefánsdóttir (IP-tala skráð) 18.11.2008 kl. 22:54]

Gott hjá Bjarna Jóhanni að hjálpa pabba sínum:-) Snemma beygist krókurinn.Kv.

[Svava S. Steinars, 19.11.2008 kl. 01:03]

Greinilegt að þarna er upprennandi vísindamaður á ferð.  Ómótstæðilegur vísindamaður

[Halldór (IP-tala skráð) 22.11.2008 kl. 23:12]

Já, hjálpin var vel þegin enda mikill tímasparnaður þegar manni er bent á mistökin í miðri mælingu