Af ungum pilti...

Bjarni Jóhann á nú einungis tvær vikur í eins árs afmælið sitt. Það þýðir ekki einungis að nú er liðið ár frá því að móðir hans kjagaði um með litla kúlu með stóru barni í sem hún beið eftir að kæmi loksins í heiminn, heldur er hann líka heldur betur að verða stór strákur. Hann er búinn að taka fyrstu skrefin sín, gerði það í gær þegar hann gekk frá náttborðinu að rúminu og uppskar mikinn fögnuð frá pabba sínum og mömmu sem voru svo heppin að vera bæði að horfa á hann. Því miður erum við ekki búin að ná afrekinu upp á myndband en hér er hann að æfa ganginn með skemil sér til halds og trausts:

Annað þroskamerki sem er öllu meira krefjandi fyrir foreldrana er frekjugangur sem verður æ meiri með hverjum deginum. Nú er bara öskrað og grenjað með tárum og alles ef sá stutti fær ekki það sem hann vill  Hann er líka farinn að segja nokkur orð, hið klassíska "datt", "bah" fyrir bað, "nanana" fyrir namm namm, "ai" fyrir afi og svo purrar hann fyrir bíla svo það helsta sé nefnt. En þó að pilturinn kunni ekki að tala neitt að ráði ennþá þá er ekki þar með sagt að hann þegi bara blessaður. Aldeilis ekki! Hér er smá myndband af honum að "messa" yfir okkur pabba hans við matarborðið. Svona ræður heldur hann af og til yfir daginn og er greinilega mikið niðri fyrir. Mikið ræðumannsefni þarna...

Hér er svo ein kjútípæ mynd af elsku snáðanum, sem þrátt fyrir allt öskur, grenj og frekjuvæl er auðvitað bara besta og fallegasta barn í heimi

Athugasemdir

[Magnea Karlsdóttir, 15.5.2009 kl. 08:31]

Mikið er maður duglegur, nota bara skemmilinn til að komast áfram og fara svo bara á aðra hlið ef maður er fastur

En ég segi bara gangi ykkur vel þegar hann verður komin á fullt á tveimur jafnfljótum,  Helga mín, þú verður að finna þér eitthvað einstaklega orkuríkt og fitandi þegar þú ferð að elta hann

Bestu kveðjur                                                                                                Magnea

[Svava S. Steinars, 15.5.2009 kl. 09:52]

Til lukku með fyrstu skrefin - vona að þið séuð bæði í toppformi því þið munuð nú hlaupa talsvert meira en áður, aðallega á eftir syni ykkar   Greinilegt er að BJ verður mikill ræðusnillingur þar sem hann hefur raddstyrkinn, taktana og verður greinilega ekki orða vant.  Megakrúttímús !

[Hanna F. Stefánsdóttir (IP-tala skráð) 17.5.2009 kl. 01:11]

Já, honum Bjarna Jóhanni verður sjálfsagt sjaldan orðavant - frekar en mörgum ættingjum hans En mikið svakalega er hann duglegur að koma sér áfram og nú megið þið fara að pússa hlaupaskóna sýnist mér! Bestu kveðjur til ykkar og Bjarna megakrútts

[Helga Guðrún og Halldór Pálmar, 17.5.2009 kl. 22:18]

Jájá, maður hakkar í sig súkkulaði og sitthvað fleira gómsætt og orkuríkt þessa dagana á milli þess sem maður pússar hlaupaskóna og æfir sprettina. Og það er víst rétt, hann á ekki langt að sækja málgleðina blessaður....

[Svava S. Steinars, 20.5.2009 kl. 12:42]

Meira takk