Baa!!

 

Það er ekki leiðinlegt að baða Bjarna Jóhann. Hann hreinlega elskar að fara í bað barnið og þá er rútínan einhvernvegin svona:
Mamman: "Bjarni, viltu fara í bað?"
Barnið svarar "BAA!! BAA! BAA!", tekur undir sig stökk og þýtur fram á bað þar sem hann staðnæmist fyrst við baðkarið, endurtekur orðið BAA! og fer svo í baðskápinn og tínir fram allt baðdótið sitt sem þar er geymt ásamt þvottastykki.
Á meðan lætur mamman renna í baðið og tekur svo til við að klæða stilltasta barn í heimi úr fötunum. Þetta eru nemlig einu skiptin sem litli ormurinn er kyrr á meðan hann er afklæddur.
Svo er barninu snarað í baðið og þar dundar hann sér við ýmsar rannsóknir á eiginleikum vatns sem útheimta náttúrulega mikinn buslugang, þar til móður hans þykir mál til komið að veiða hann aftur upp úr og koma honum á þurrt.
Og eins og sjá má á myndinni getur það nú bara líka verið skemmtilegt...

Athugasemdir

[Svava S. Steinars, 15.10.2009 kl. 00:21]

Aðeins eitt orð: ÓMÓTSTÆÐILEGUR !