Nokkrar myndir

Maður kann sko að brosa í myndavélina... ekki veit ég hverjum barnið er líkt þegar það setur upp þennan svip - einhverjar hugmyndir?

Svo er maður upprennandi lestrarhestur. Hér er snáðinn búinn að fá sér sæti í nýmáluðu hillunni sem mamma hans og pabbi voru að setja upp inni í vinnuherbergi. Bókin sem hann les er gömul frönsk vasaorðabók. Kannski kappinn ætti að byrja á því að ná almennilegum tökum á íslenskunni áður en hann ræðst í nám á öðrum tungumálum...

Hér er ein mynd af okkur pabba að leggja túnþökur í sveitinni fyrr í sumar. Þetta tún er orðið hinn blómlegasti sparkvöllur sem þarf nauðsynlega á heimsókn slátturvélar að halda. Samt er búið að slá það einu sinni nú þegar. Spurning um að fá sér eins og eina rollu næsta sumar..?

Og hér erum við Bjarni Jóhann að máta nýja pallinn sem verður á milli gamla og nýja hússins í sveitinni. Þetta á eftir að verða góður sólbaðsstaður og svo verður heiti potturinn líka þarna einhversstaðar. Mmmm... upprennandi sælureitur.

Læt þetta duga í bili elskurnar....

Athugasemdir

[Steinunn og Gunnar (IP-tala skráð) 27.8.2009 kl. 13:47]

HÆ hæ Helga mín! Brosið minnir mig á brosið hjá afa hans nafna þegar hann setur upp sparibrosið sitt.Þettað eru fínar myndir af ykkur öllum.

[Svava S. Steinars, 28.8.2009 kl. 10:45]

Ó hann er svoooo fallegur !  Komdu í heimsókn með hann sem fyrst!