Alltaf gaman í sveitinni

Hér er stubburinn á leiðinni í sveitina. Pabbi er afturí á leiðinni til að halda honum félagsskap svo hann sofni ekki á leiðinni. Þá getur nú verið gaman að fara yfir það hvað dýrin segja og gera...

...og svona gera svínin

Þetta er eitt af því skemmtilegra sem snáðinn gerir - róla. Enda bjó hann til sitt eigið orð yfir það, eitt af fyrstu orðunum sem hann sagði er orðið "buvva". Og það hefur gerst nokkrum sinnum í sveitinni að það fyrsta sem hann segir þegar hann vaknar af daglúrnum sínum er "buvva".

Svo er líka rosalega gaman að leika á pallinum og ekki skemmir nú fyrir þegar maður fær að sulla svolítið með fílinn.

Svo er það náttúrulega toppurinn þegar Helena og Ísak Elí eru líka í sveitinni. Þá er mikið leikið saman og hér eru Helena og Bjarni Jóhann að hafa það huggulegt saman í tjaldinu.

Stundum er líka gott að slaka pínu á eftir annasaman dag. Strákarnir halda reyndar að þeir hafi óendanlega orku og bara nokkrum andatökum eftir að þessi mynd var tekin voru þeir komnir á fullt að leika sér aftur. En eru þetta ekki bara algjörar dúllur?

Svo fylgir því líka að vera í sveitinni að fá ýmislegt sem ekki fæst hversdags. Hér hefur pilturinn það heldur betur huggulegt með Svala, sem er eitt af því sem mamma hans neitar honum um svona dags daglega. Það er óþarfi að taka það fram að honum fannst þetta sykursull náttúrulega afskaplega gott...

Athugasemdir

[Svava S. Steinars, 21.9.2009 kl. 09:56]

Sætastur allra !  Frábært að sjá nautnasvipinn á honum þegar hann drekkur Svalann   Það er greinilega gaman í sveitinni og á eftir að verða algert uppáhald hjá þessum krílum að koma í bústaðinn.

[Hanna F. Stefánsdóttir (IP-tala skráð) 26.9.2009 kl. 21:32]

Hellú! Gaman að sjá Bjarna Jóhann svona "life" í dag á skypinu Hefði viljað vera lengur en var að fara á kynningu í Mössubúð. Mér skilst að hann hafi verið að sýna leikföngin sín meðal annars Hann er algjört krútt Knús og kveðja til ykkar allra.

[Halldór (IP-tala skráð) 29.9.2009 kl. 02:52]

Gaman að sjá þig á skypinu sömuleiðis! Er ekki Mössubúð örugglega að massa skómarkaðinn fyrir norðan? Jú, sá litli var kominn með allan dýragarðinn sinn á tölvuna til að sýna litlu Selmu...og stóð svo við skjáinn með galopinn munninn þegar hún reyndi að gefa honum ostapopp í gegnum myndavélina!  Bestu kveðjur norður...